பிவிதுரு ஹெல உறுமய (PHU) கட்சியின் மத்திய குழு உறுப்பினர்கள் சிலர், இன்று (புதன்கிழமை, செப்டம்பர் 03) காலை எதிர்க்கட்சித் தலைவர் சஜித் பிரேமதாசவை சந்தித்து, முன்னாள் அமைச்சர் உதய கம்மன்பிலவை ICCPR சட்டத்தின் கீழ் கைதுசெய்ய மேற்கொள்ளப்படும் முயற்சிகள் குறித்து கவலை தெரிவித்தனர்.
எதிர்க்கட்சித் தலைவர் அலுவலகத்தில் நடைபெற்ற இந்த சந்திப்பில், அரசாங்கம் எதிர்ப்பை அடக்குவதற்கு மேற்கொள்ளும் முயற்சி இது என PHU பிரதிநிதிகள் குறிப்பிட்டனர்.
ஊடகவியலாளர்கள் கம்மன்பிலவின் தற்போதைய இருப்பிடம் குறித்துக் கேட்டபோது, முன்னாள் அமைச்சர் தலைமறைவாகவில்லை என்றும், அவர் உயர்கல்விக்காக வெளிநாட்டில் இருப்பதாகவும் அதுகோரள தெரிவித்தார்.
இதேவேளை, அண்மையில் இடம்பெற்ற ஊடக சந்திப்பொன்றில் கம்மன்பில தெரிவித்த கருத்து தொடர்பில் விசாரணைகள் ஆரம்பிக்கப்பட்டுள்ளதாக குற்றப் புலனாய்வுத் திணைக்களம் (CID) ஆகஸ்ட் 22 ஆம் திகதி கொழும்பு நீதவான் நீதிமன்றத்திற்கு அறிவித்தது.
ஒரு முறைப்பாட்டின் அடிப்படையில் ICCPR சட்டத்தின் கீழ் இந்த விசாரணை நடத்தப்படுகிறது.
